Vincenzo Maria Filippelli (1836-1893).
A detta dei critici , il Filippelli fu uno dei maggiori esperti della poesia in vernacolo apriglianese.
Molto vasto fu il suo estro poetico, anche se la maggior parte delle sue creazioni andarono disperse. Le tematiche trattate dal poeta riguardano soggetti locali come nel componimento “Apriglianu”, dove veniva descritta, in maniera semplice e chiara, la vita della gente nelle varie frazioni.
Altre opere  “Viju tri stilli” e “Arberu supra arberu”,  “Lu surice pantuocchiu”, “Le umbre” e la farsa in cinque atti “Diego Mazza”.

Cùomu te pùotu dire ca stampài
lu Pantuocciu ppe ttie, si tra nue rui
lana re scarminare ‘un ce fo mai?

Te pittài lu palazzu e, supracchiùi
Re la paga, ccu tutti m’avantasti,
e de cunfietti carricatu fui.

Quattro contratti chi me stipulasti,
mai l’unurariu tue chiamasti ‘ncuntu
tuttu ricuordu cùomu praticasti.

Chist’era pue lu canciu? D’àutru puntu
Io mai guardài partiti, fuorti o lienti;
ccu tutti signu amicu, ed a bon cuntu,
pocu me sturdu duve vau li vienti!

Arberu supra àrberu, risbrennunu
I vascèlli ‘ncapu l’unna re lu mare,
colonna re ugne chiesia sì maggiore,
torcia re ugne festa mia principale,
ca si venissi n’àutru Diu r’amure
na bella cume ttie nun se po’ fare;
si Diu ne runa juorni, misi er ure
la parma re li bielli hamè purtare.

A cchi lane me truovu povariellu,
cchi bbaju a scarrucciare a Cusentinu ?
Ca vuolù scrittu nu versiciellu
e llu vuolù ppe tuttu stamatinu.
Ohi crozza! falla mo na gapparìa
ssunnelle quattru loffe 'n puisìa .

Musa chi si a ssa cupa rè castagna
cal'abbàsciu, portarne la vrogna ;
port'acqua frisca rè chissà muntagna e
vieni ammolla ssa dura capogna.
E portarne l'aratru e lu puntùru,
ca ccu ssa pinna a vòmmaru lavùru.

Viju tri stilli jire ccu la luna,
jire re chille parti re levante,
‘mmiènzu re chili tri cci nn’erar’una
c’assimigliava a ttie ronna galante.

Tu si chillu rusariu ‘mmiènzu Ruma
Chi se cicia tri bote all’Annu Santu;
tu si de chilla nobile curuna,
chi se minta lu Rre quann’èscia ‘n campu